Welcome to chance dekho

Talent Title:
చిరుజల్లులు
Talent:
ఒక చిన్న పట్టణంలో అర్జున్ అనే యువకుడు ఉండేవాడు. 
అతనికి పుస్తకాలు చదవడం అంటే చాలా ఇష్టం. ప్రతిరోజూ కళాశాల లైబ్రరీలో ఎక్కువసేపు గడిపేవాడు.

ఒకరోజు, మేఘాలు కమ్ముకుని, వర్షం కురవబోతున్నప్పుడు, లైబ్రరీలో కొత్తగా వచ్చిన అమ్మాయి – సంధ్య – అతని పక్కన కూర్చుంది. ఆమె కూడా పుస్తకాలు చదవడం ఇష్టపడుతుంది.

అర్జున్ అలా పుస్తకంలో మునిగి ఉంటే, ఒక్కసారిగా కిటికీ పక్కన గాలి వీచి, సంధ్య పుస్తకం కిందపడింది. 
అర్జున్ వెంటనే దాన్ని ఎత్తి ఇచ్చాడు.
 ఆ క్షణంలో వారి కళ్ళు కలిశాయి.
వర్షం బయట పడుతుంటే, ఇద్దరి హృదయాల్లో కొత్త భావన మొదలైంది.

రోజులు గడిచేకొద్దీ, అర్జున్ – సంధ్య లైబ్రరీలో ప్రతిసారి కలిసేవారు.
ఒకరికి ఒకరిపై చిన్న చిన్న ఇష్టాలు పెరిగాయి.
అర్జున్ ఎప్పుడూ మాట్లాడాలని అనుకునేవాడు కానీ ధైర్యం చేసేవాడు కాదు.
సంధ్య మాత్రం అతని లోపలి మౌనం గమనించింది.

ఒకరోజు, బయట మళ్లీ వర్షం మొదలైంది.
లైబ్రరీ మూసేసిన తర్వాత సంధ్య బయట ఆగి నిలబడి ఉంది.
 అర్జున్ దగ్గరికి వచ్చి గొడుగు ఇచ్చాడు.
“వర్షంలో తడవకండి” అన్నాడు.
సంధ్య మెల్లగా నవ్వుతూ,
“ఎందుకు? మీరు తడిస్తే నేను కూడా తడుస్తాను కదా” అంది.
ఆ మాటతో అర్జున్ గుండెల్లో ఏదో వెలుగు వెలిగింది.

కాలం గడిచింది.
అర్జున్ తన భావాలను చెప్పాలని నిర్ణయించుకున్నాడు.
ఒక రోజు, అదే లైబ్రరీలో, అతను సంధ్యకు చిన్న నోట్ ఇచ్చాడు. 
అందులో ఇలా రాసి ఉంది:
“నిన్ను చూసినప్పటి నుంచి నా జీవితం కొత్త అర్థం పొందింది.
నాతో నా ప్రయాణం కొనసాగిస్తావా?”

సంధ్య ఆ నోట్ చదివి నిశ్శబ్దంగా అతని దగ్గరకు వచ్చింది.
కేవలం ఒక మాట చెప్పింది:
“ఈ సమాధానం కోసమే నేనూ ఎదురు చూస్తున్నాను " అని చెప్పింది.

ఆ రోజు నుంచి, వర్షం కురిసినప్పుడల్లా అర్జున్ – సంధ్యకి అది వారి ప్రేమ గుర్తు అయ్యింది.
వర్షం వాళ్ల బంధాన్ని మొదలుపెట్టింది,
 ఆ వర్షమే వారి ప్రేమను ఎప్పటికీ తాజాగా ఉంచింది.

ఇక చివరగా..
“ప్రేమ అనేది పెద్ద పెద్ద మాటల్లో కాదు… చిన్న చిన్న క్షణాల్లో పుడుతుంది, జీవితాన్ని మార్చేస్తుంది.”

 కథ కంచికి మనం ఇంటికి!
బసిరెడ్డి శివారెడ్డి MA.RD
Story
Hyderabad
World will See Your Talent

Explore

Support

Contact Info
