Chance Dekho
Login
Chance Dekho
Login
World will See
Your Talent
Talent Title:
పెళ్ళాడే వయసు
Talent:
పల్లవి : (అతడు) పెళ్లాడే వయసొచ్చాకా.. పిల్లేమో మౌనంగుంది… కొత్త కలలే రాగాలై, గుండెల్లో మోగుతున్నాయే… దాగిన ప్రేమ మాటలుగా రావేమో.. దగ్గరగా ఉన్నా దూరమైపోతుందేమో… అవసరమా ఈ మౌన బంధం? తెగించేసి కలిపేయ్ సంబంధం.. చరణం: 1 (అతడు) ఆమె మౌనం ఓ సంకేతమా.. నా కలలే ఆమెకు జవాబులా.. ప్రతి చూపులో ప్రశ్నే కనిపించగా.. నా మనసే ఆమె పేరు పలికేలా… వేల ప్రశ్నలే నిశ్శబ్దంలో… వెంటాడుతున్నాయి కనుల మాటల్లో… ఒకటైనా పలుకదామంటే.. పలుకులు ఆవిరై కరిగిపోతున్నాయే… పల్లవి : (అతడు) పెళ్లాడే వయసొచ్చాకా.. పిల్లేమో మౌనంగుంది… కొత్త కలలే రాగాలై, గుండెల్లో మోగుతున్నాయే… చరణం: 2 (అతడు) ఒక చిన్న నవ్వు ఆశగా అనిపించగా.. ఒక చిన్న చూపు పల్లకిలా కనిపించగా.. కలిసి నడవాలే అనిపిస్తోంది, కానీ అడుగులు వెనకాడుతున్నాయి… గుండె తలపుల్లో ఆమె ఊపిరే గుస గుసలా నా శ్వాసలో చేరే.. కానీ ఆ మౌనం గోడలా నిలిచింది, అదే నా ప్రేమకు పరీక్ష అయింది.. పల్లవి : (అతడు) పెళ్లాడే వయసొచ్చాకా.. పిల్లేమో మౌనంగుంది… కొత్త కలలే రాగాలై, గుండెల్లో మోగుతున్నాయే… చరణం: 3 (అతడు) ఓ క్షణమే చాలనిపిస్తోంది, తన చూపులో నేనున్నానని తెలుసుకొనుటకు తన కలల కోణాల్లో నేను ఉన్నానా.. కానీ పెదవులపై మాటలు ఆగెను.. గడియారమే అడిగెను అడిగావా అని, కాలమే చింతించెను పిలిచావా అని… నేను మాత్రం అదే మౌనాన్ని చూసాను.. ఆమె చూపుల వాకిటిలో నిలిచాను.. ఆ ఒక్క మాటకై నా మనసు ఎదురుచూసేను.. పల్లవి : (అతడు) పెళ్లాడే వయసొచ్చాకా.. పిల్లేమో మౌనంగుంది… కొత్త కలలే రాగాలై, గుండెల్లో మోగుతున్నాయే… దాగిన ప్రేమ మాటలుగా రావేమో.. దగ్గరగా ఉన్నా దూరమైపోతుందేమో… అవసరమా ఈ మౌన బంధం? తెగించేసి కలిపేయ్ సంబంధం..
Like (
2
)
Share
Basireddy Sivareddy
Lyrics
Hyderabad
Need help
